വ്യാപാരി വ്യവസായി ഏകോപന സമിതി പൂവരണി യൂണിറ്റ് പ്രസിഡന്റായി ഷൈജു വാതല്ലൂരിനെ തിരഞ്ഞെടുത്തു.
പൂവരണി: കേരള വ്യാപാരി വ്യവസായി ഏകോപന സമിതി പൂവരണി യൂണിറ്റിന്റെ പുതിയ പ്രസിഡന്റായി ഷൈജു വാതല്ലൂരിനെ തിരഞ്ഞെടുത്തു. യൂണിറ്റ് ഭാരവാഹികളെ നിശ്ചയിക്കുന്നതിനായി ചേർന്ന ജനറൽ ബോഡി യോഗത്തിലാണ് പുതിയ നേതൃത്വത്തെ ഐകകണ്ഠ്യേന തിരഞ്ഞെടുത്തത്.പൂവരണി യൂണിറ്റിലെ മികച്ച പ്രവർത്തനങ്ങൾ മുൻനിർത്തി, ഷൈജു വാതല്ലൂരിനെ വ്യാപാരി വ്യവസായി ഏകോപന സമിതിയുടെ കോട്ടയം ജില്ലാ കമ്മിറ്റിയിലേക്കും പ്രതിനിധിയായി തിരഞ്ഞെടുത്തിട്ടുണ്ട്.വ്യാപാരികളുടെ ക്ഷേമപ്രവർത്തനങ്ങൾക്കും മേഖല നേരിടുന്ന പ്രതിസന്ധികൾക്കും പരിഹാരം കാണാൻ പുതിയ നേതൃത്വത്തിന്റെ കീഴിൽ ശക്തമായ ഇടപെടലുകൾ നടത്തുമെന്ന് നിയുക്ത പ്രസിഡന്റ് ഷൈജു വാതല്ലൂർ അറിയിച്ചു. ചടങ്ങിൽ വിവിധ വ്യാപാര പ്രമുഖരും സംഘടനയുടെ പ്രമുഖ നേതാക്കളും പങ്കെടുത്തു.
